येथे कुणीच नाही माझ्यापरी दिवाणे
मी गीत गात आहे येथे गुन्ह्याप्रमाणे
मी गीत गात आहे येथे गुन्ह्याप्रमाणे
दे जीवना मला तू आता नवी निराशा
हे दुःख नेहमीचे झाले जुनेपुराणे!
हे दुःख नेहमीचे झाले जुनेपुराणे!
तेव्हा मला फ़ुलांचा कोठे निरोप आला?
माझे वसंत होते सारे उदासवाणे
माझे वसंत होते सारे उदासवाणे
सांगू नकोस की, मी तेव्हा जिवंत होतो
तेव्हा जिवंत होते माझे मरुन जाणे
तेव्हा जिवंत होते माझे मरुन जाणे
साधीसुधी न होती माझी स्मशानयात्रा..
आली तुझी निमित्ते! आले तुझे बहाणे![...]
आली तुझी निमित्ते! आले तुझे बहाणे![...]
No comments:
Post a Comment